O‘zbek qorilari AQSHda

Imom Moturidiy xalqaro ilmiy-tadqiqot markazi ilmiy xodimi Abdurahmonov Ixtiyor va Toshkent Islom instituti o‘qituvchisi Rashidov Ahmadxonlar Ramazon oyi bilan bog‘liq tadbirlarda ishtirok etish maqsadida AQSHning Florida shtatida joylashgan Orlando shahridagi “Al-Buxoriy” islom markaziga safar qildilar.

Bir oy davom etadigan safar mobaynida AQSHda istiqomat qilayotgan vatandoshlarimiz uchun diniy-ma’rifiy mazmundagi suhbatlar, ma’naviy-ma’rifiy tadbirlar o‘tkazilishi rejalashtirilgan.

Markaz tomonidan nashr qilingan kitoblar, jumladan, Imom Moturidiy “Ta’vilot al-Qur’on” asarining 29-, 28–27-juzlarining o‘zbek tilidagi ilmiy-izohli tarjimasi, Abul Muin Nasafiyning “Bahr al-kalom” va “Abu Mansur Moturidiy” nomli tarixiy roman “Al-Buxoriy” islom markazi kutubxonasiga taqdim qilindi. Ta’kidlash lozimki, mazkur kitoblar vatandoshlarimiz tomonidan katta qiziqish bilan qarshi olindi.

Imom Moturidiy xalqaro ilmiy-tadqiqot markazi 
Matbuot xizmati