O‘zbekiston xalqaro islom akademiyasi dotsenti, atoqli islomshunos olim Saidmuxtor Oqilov og‘ir xastalikdan vafot etdi.

Saidmuxtor Oqilov O‘zbekiston xalqaro islom akademiyasidagi samarali faoliyati davomida o‘zining yuksak ilmiy salohiyati va kasbiy mahoratini namoyon qilib, talabalarga ta’lim-tarbiya berishdek mas’uliyatli hamda mashaqqatli vazifani ro‘yobga chiqarishdagi sabr-toqati va matonati bilan barchaning birdek mehrini qozondi. 

Saidmuxtor Oqilov haqida faqat iliq fikrlar qoldi. U qaysi lavozimda ishlamasin, oddiy va kamtarin inson bo‘lib qolaverdi. 

Tinib-tinchimas olim, yurtning fidoyi farzandi Saidmuxtor Oqilovning xotirasi qalblarimizda mangu yashaydi.

Alloh taolo marhum ustozimizni O‘z rahmatiga olib, oxiratini obod qilsin, makonini jannatlardan aylasin. Bu dunyoda qilgan barcha xayrli va ezgu ishlarini boshiga soyabon, oxiratiga zahira qilsin.

Imom Moturidiy xalqaro ilmiy-tadqiqot 
markazi jamoasi