Indoneziya axborot agentligi: O‘zbekiston islom sivilizasiyasi markazi ekanini inkor etib bo‘lmaydi
Indoneziya siyosiy axborot agentligining yangiliklar saytida O‘zbekistonning boy tarixiy, madaniy va ma’naviy merosi, o‘zbek xalqining buyuk ajdodlarining jahon ilm-fani va islom sivilizasiyasi rivojiga qo‘shgan hissasiga bag‘ishlangan maqola chop etildi.
Maqola muallifi Sara Meyliana Gunavan O‘zbekiston islom sivilizasiyasi markazlaridan biri sifatida tanilganini ta’kidlaydi. Bu yerda nomlari butun dunyoga dong‘i ketgan ko‘plab taniqli islom arboblari va olimlari tug‘ilgan. Abu Abdulloh Muhammad ibn Ismoil al-Buxoriy 810 yilda Buxoroda tug‘ilgan mashhur hadisshunos olimdir. Imom al-Buxoriy yodgorlik majmuasi Samarqandda joylashgan. Undan tashqari islom dunyosida aslida kelib chiqishi O‘zbekistondan bo‘lgan buyuk zotlarning uzun ro‘yxati ham bor.
Muhammad Al-Xorazmiyning ixtirolaridan biri - algebra hali ham butun dunyoda keng qo‘llanilmoqda. U 780 yilda butun dunyoga mashhur Xorazmda tug‘ilgan.
Yana bir ko‘zga ko‘ringan musulmon olimi, zamonaviy tibbiyotning otasi Ibn Sino 980 yilda Buxoro yaqinidagi Afshona qishlog‘ida tug‘ilgan bo‘lib, u ham zamonaviy O‘zbekiston hududida joylashgan.
Boy ilmiy merosga ega buyuk allomalarning nomlari O‘zbekiston haqiqatdan ham islom sivilizasiyasining markazi ekanligi inkor etib bo‘lmas dalillardan biridir.
Manba: muslim.uz
Izohlar