Filippindagi pushti rang masjid

Aholisining asosiy qismi (ya’ni, 81%) xristianlikning katolik cherkovi ta’limotlariga e’tiqod qiladigan Filippin Respublikasida dunyoning eng go‘zal va noyob masjidlaridan biri joylashgan. U “Masjidu dimaaukum” yoki “Pushti masjid” deb nomlangan bo‘lib, 2014-yilda Filippin davlatining Magindanao viloyati Datu-Saudi-Ampatuan tumanida bunyod etilgan hamda 200 dan ortiq namozxonlarni sig‘dira oladi.  

Masjid qurilishi o‘sha paytdagi mamlakat prezidenti Noynoy Akino rahbarligidagi hokimiyat vakili Shamsiddin Dimaauk boshligida olib borilgan. Ushbu shaxs Datu-Saudi-Ampatuan tumani hokimi bo‘lgan va masjid qurilishi uchun o‘z oilasiga tegishli yer-maydonni ajratib bergan.

E’tiborli jihati, noyob masjid qurilish ishlari xristian diniga e’tiqod qiladigan ustalar tomonidan olib borilgan.