Professor Hamza Bakriy tashrifi

Kalom va islom falsafasi bo‘yicha yetuk olim, Imom Moturidiy xalqaro ilmiy-tadqiqot markazi Xalqaro ilmiy hay’ati a’zosi, Turkiya Respublikasi Ibn Xaldun universiteti professori, doktor Hamza Bakriy 2022-yil 31-may kuni O‘zbekistonga tashrif buyurdi.

Tashrif davomida O‘zbekiston musulmonlari idorasi, O‘zbekiston xalqaro islom akademiyasi, O‘zbekistondagi Islom sivilizatsiyasi markazi, Imom Buxoriy xalqaro ilmiy-tadqiqot markazi, Imom Termiziy xalqaro ilmiy-tadqiqot markazi, Imom Moturidiy xalqaro ilmiy-tadqiqot markazi, Toshkent islom instituti, “Ko‘kaldosh”, “Xadichai kubro” o‘rta maxsus islom bilim yurtlari mutaxassislari uchun professor, doktor Hamza Bakriy ishtirokida “Qo‘lyozma manbalarni tadqiq qilish” hamda “Kalom ilmi” kurslari doirasida bir haftalik o‘quv mashg‘ulotlari tashkil qilinishi rejalashtirilgan.