Ўзбекистон халқаро ислом академияси ректори Индонезияда хизмат сафарида бўлиб турибди
Ўзбекистон Республикаси Президенти маслаҳатчиси, Ўзбекистон халқаро ислом академияси ректори Музаффар Комилов бошчилигидаги делегация Индонезияда хизмат сафари билан бўлиб турибди.
Ташриф давомида Индонезиянинг бир қатор диний-маърифий ташкилотлар, вазирлик ва идоралар раҳбарлари билан конструктив ва самарали учрашувлар бўлиб ўтди.
Хусусан, Саҳид университетида ўтказилган учрашувда Ўзбекистон халқаро ислом академияси ва Индонезия томони ўртасида академик ҳамкорликни ривожлантириш, профессор-ўқитувчилар ва талабалар алмашинувини йўлга қўйиш, илмий стажировкалар ташкил этиш, ҳамкорликда қўшма лойиҳаларни амалга ошириш масалалари муҳокама этилди.
Шу куни Ўзбекистон халқаро ислом академияси ва Саҳид университети ўртасида англашув меморандуми имзоланди. Шунингдек, Саҳид университети ҳузурида Туризм соҳасида академик тадқиқот марказининг очиш бўйича келишув имзоланди. Ушбу марказ Ўзбекистон ва Индонезиянинг туризм соҳасидаги бой салоҳиятини кенг тарғиб этиш, зиёрат туризми йўналишида илмий тадқиқотларни амалга ошириш, ҳамкорликда халқаро конференсия ва семинарлар ташкил этиш билан шуғулланиб, Ўзбекистоннинг зиёрат туризми брендини жаҳон бўйлаб янада оммалаштиришга хизмат қилади.
Хизмат сафари давом этмоқда.
Манба: iiau.uz
Изоҳлар