Академия вакилларининг Индонезия Уламолар кенгаши аъзолари билан учрашуви ўтказилди
Ўзбекистон Республикаси Дин ва миллатлараро муносабатлар масалалари бўйича маслаҳатчиси, Ўзбекистон халқаро ислом академияси ректори Музаффар Комилов бошчилигидаги делегация аъзолари Индонезия Уламолар кенгаши аъзолари билан учрашув ўтказди.
Мулоқот давомида янги Ўзбекистонда азалий диний қадриятларни қайта тиклаш, Имом Бухорий, Имом Термизий, Имом Насафий, Баҳоуддин Нақшбанд ва етти пир алломаларининг табаррук қадамжоларини обод этишга катта эътибор қаратилаётгани, масжид ва мадрасалар обод бўлаётгани, фуқароларимиз ҳаж ва умра ибодатларини юксак савияда адо этаётганлари тўғрисида кенг қамровли маълумот берилди.
Индонезия Уламолар кенгаши билан ўзаро ҳамкорликни қўллаб-қувватлаш бўйича қуйидаги икки мамлакат имом-хатибларининг ўзаро тажриба алмашинувини йўлга қўйиш, жорий йилда Индонезия Уламолар кенгаши раҳбариятининг Ўзбекистонга ташрифини уюштириш ва Самарқанд шаҳрида мамлакатимиз ва индонезиялик исломшунос, диншунос олимлар иштирокида ёшлар таълим-тарбияси ва маърифатига эътиборни ошириш масаласи бўйича халқаро илмий анжуман ўтказиш каби таклифлар билдирилди.
Мулоқот самимий ва дўстона руҳда кечди.
Манба: iiau.uz
Изоҳлар