Туркияда семинар ташкил этилди
Хабар берганимиздек, Академия вакиллари Туркия Республикасида хизмат сафарида бўлиб турибди. Ислом тадқиқотлари маркази (ISAM)) қошида малака ошираётган илмий тадқиқотчилар учун вакилларимиз “Ўзбекистонда дин соҳасидаги ислоҳотларнинг янги босқичи” мавзусида семинар ўтказишди.
Унда Ўзбекистон халқаро ислом академияси “Исломшунослик ва ислом цивилизациясини ўрганиш ICESCO” кафедраси мудири Миродил Ҳайдаров Ўзбекистонда сўнгги йилларда диний соҳада эришилган ютуқлар, янги Ўзбекистонда ўз фаолиятини бошлаган халқаро илмий-тадқиқот марказлари, олий ва ўрта махсус диний билим юртлари фаолияти, аждодларимиз қолдирган қўлёзма манбаларга оид тадқиқотлар ҳақида батафсил маълумот берди.
Маъруза тингловчилар томонидан катта қизиқиш билан қабул қилинди. Шундан сўнг маърузачига берилган саволларга тўлиқ жавоблар берилди.
Илмий сафар давомида Академия вакиллари хорижлик талаба ва тадқиқотчилар билан танишиб, фикр алмашмоқда.
Манба: iiau.uz
Изоҳлар