Имом Мотуридий халқаро илмий-тадқиқот маркази Замонавий ислом тадқиқотлари бўлими илмий ходими Феруз Холмўминовнинг докторлик (PhD) диссертацияси ҳимояси бўлиб ўтди
2023 йил 26 июнь куни Ўзбекистон халқаро ислом академиясида Имом Мотуридий халқаро илмий-тадқиқот маркази Замонавий ислом тадқиқотлари бўлими илмий ходими Холмўминов Феруз Зариф ўғлининг 24.00.01 – Ислом тарихи ва манбашунослиги ихтисослигидан тарих фанлари бўйича фалсафа доктори (PhD) илмий даражасини олиш учун ёзган “Индонезияда ислом дини тарқалишида самарқандлик олимларнинг ўрни” мавзуидаги докторлик диссертацияси ҳимояси ўтказилди.
Диссертация ҳимоясида Индонезия Республикасининг Ўзбекистон Республикасидаги Фавқулодда ва Мухтор элчиси, Индонезиянинг Пендидикан университети ва Самарқанд давлат чет тиллар институтининг фахрий профессори Сунарё Картадината бошчилигидаги дипломатик корпус вакиллари ҳам иштирок этдилар.
Қизғин муҳокамаларга бой ўтган ҳимоя якунида Холмўминов Феруз Зариф ўғлининг диссертацияси Илмий кенгаш аъзолари томонидан ижобий баҳоланиб, иш бўйича илиқ фикрлар билдирилди.
Диссертация Ислом тарихи ва манбашунослиги йўналишида олиб борилган муҳим тадқиқотлардан бири ҳисобланиб, келгусида бу борада амалга ошириладиган илмий изланишлар учун фундаментал манба бўлиб хизмат қилади.
Имом Мотуридий халқаро илмий-тадқиқот маркази
Матбуот хизмати
Изоҳлар