МАРКАЗ ФАОЛИЯТИ “САВТ АЛ-АЗҲАР” ГАЗЕТАСИ НИГОҲИДА
Миср Араб Республикаси ал-Азҳар мажмуаси нашри ҳисобланган “Савт ал-Азҳар” газетасида Имом Мотуридий халқаро илмий-тадқиқот маркази томонидан Имом Мотуридий мероси бўйича ал-Азҳар мажмуаси тадқиқотчилари ўртасида ўтказилган халқаро танлов ғолибларининг Ўзбекистонга сафари ҳақида мақола эълон қилинди.
Мақолада бугунги кунда Ўзбекистонда аждодлар илмий мероси, хусусан, Имом Мотуридий ва мотуридийлик таълимотини ўрганиш юзасидан давлат миқёсида амалга оширилаётган кенг кўламли ишлар, яратилган имкониятлар, бу борада қўлга киритилган асосий тадқиқот натижалари ҳақида сўз юритилган.
Мақола давомида танлов ғолибларининг юртимизга ташрифи давомида олган таассуротлари, илмий-тадқиқот ва диний-маърифий соҳада эришилаётган ютуқлар эътирофи, шунингдек, таълим муассасаларида ташкил этилган маъруза, семинар-тренинг, давра суҳбати, учрашув ҳамда бошқа маданий-маърифий тадбирлар ҳақида сўз юритилган.
Имом Мотуридий халқаро илмий-тадқиқот маркази
Матбуот хизмати
Изоҳлар