Имом Мотуридий илмий мероси бўйича халқаро танлов ғолиблари Марказда

Имом Мотуридий мероси бўйича мисрлик тадқиқотчилар ўртасида ўтказилган халқаро танлов ғолиблари – ал-Азҳар университети профессор-ўқитувчилари доктор Амол Усмон, доктор Аввод Маҳмуд Аввод ва доктор Муҳаммад Мишъаллар 2023 йил 2 май куни Имом Мотуридий халқаро илмий-тадқиқот марказига етиб келдилар.

Мисрлик тадқиқотчилар Марказ раҳбарияти томонидан кутиб олиниб, Имом Мотуридий ва мотуридийлик таълимотини ўрганиш ҳамда кенг тарғиб қилиш юзасидан бу ерда амалга оширилаётган ишлар билан яқиндан танишдилар.

Таъкидлаш керакки, мисрлик тадқиқотчиларнинг Ўзбекистонга ташрифи юзасидан ишлаб чиқилган дастурга мувофиқ, Тошкент, Бухоро ва Самарқанд шаҳарларидаги таълим муассасалари, илмий-тадқиқот марказлари ҳамда диққатга сазовор зиёратгоҳларга ташрифлар, соҳа бўйича таълим олаётган магистр ва тадқиқотчилар билан учрашувлар, маҳорат дарслари ҳамда бошқа маънавий-маърифий тадбирларни ташкиллаштириш режалаштирилган.
 

Имом Мотуридий халқаро илмий-тадқиқот маркази 
Матбуот хизмати