СИНГАПУР ДЕЛЕГАЦИЯСИ МАРКАЗГА ТАШРИФ БУЮРДИ

2023 йил 17 апрель санасида Сингапурнинг Ўзбекистондаги элчиси Зулкифли Баҳаруддин бошчилигидаги делегация Имом Мотуридий халқаро илмий-тадқиқот марказига ташриф буюрди. Элчи жанобларига Сингапур Ташқи ишлар вазирлигининг Ўрта Шарқ, Шимолий Африка ва Марказий Осиё бўлими директор ёрдамчиси Рашид Зайний ҳамда Техник ҳамкорлик бўлими директор ўринбосари Цзе Чиа  ҳамроҳлик қилди.

Ташриф давомида Имом Мотуридий халқаро илмий-тадқиқот маркази ва Сингапурдаги соҳага оид муассасалар ўртасида экстремизм ва радикализмга қарши кураш ҳамда мутаассиб ғоялар таъсирига тушган шахсларни реабитилация қилиш бўйича икки тарафлама ҳамкорликни йўлга қўйиш, ўзаро тажриба алмашиш, бу борада амалга оширилаётган ишлар, илғор методлар юзасидан фикр-мулоҳазалар алмашилди.

Шунингдек, Сингапур делегациясига Марказ фаолияти, унинг ташкил этилишидан кўзланган асосий мақсадлар, нашр қилинаётган китоблар, видео ва аудио материаллар, олиб борилаётган илмий тадқиқотлар хусусида ҳам маълумот тақдим қилинди.

Учрашув якунида эсдалик совғалари алмашилди. 

Имом Мотуридий халқаро илмий-тадқиқот маркази 
Матбуот хизмати