Марказ директори Миср Араб Республикасининг нуфузли нашри мухбирига интервью берди
Мазкур интерью 2023 йил 13 апрель куни Миср Араб Республикасининг нуфузли нашрларидан бири ҳисобланган “ал-Аҳром” газетасида “Мақсадимиз – инсонлар орасида васатийлик, мўътадиллик ва бағрикенглик тамойилларини ёйиш” номи остида эълон қилинди.
Интервьюда Имом Мотуридий халқаро илмий-тадқиқот марказининг ташкил этилиши, унинг Имом Мотуридий ва мотуридийлик таълимотини ўрганиш ҳамда кенг тарғиб қилишдаги роли, мақсад ва вазифалари, илмий-тадқиқот ва халқаро алоқалар йўналишида, хусусан, ал-Азҳар мажмуаси билан ўрнатилган ҳамкорлик доирасида олиб борилаётган ишлар, Ўзбекистонда диний-маърифий соҳада амалга оширилаётган ислоҳотлар, айниқса буюк мутафаккир алломалар илмий меросини ўрганишга кўрсатилаётган юксак эътибор ҳақида атрофлича тўхталиб ўтилган.
Таъкидлаш лозимки, ушбу мақола Ўзбекистон илмий жамоатчилигининг халқаро кўламдаги нуфузини юксалтириш билан бир қаторда, Марказ фаолиятини араб мамлакатларида кенг тарғиб қилишга, шу асосда мотуридийлик ақидавий мазҳаби мўътадил таълимотини кенг жамоатчиликка етказишда муҳим аҳамият касб этади.
Имом Мотуридий халқаро илмий-тадқиқот маркази
Матбуот хизмати
Изоҳлар