“Жаҳолатга қарши маърифат” шиори остидаги тадбир.

Жорий йилнинг 23 февраль санасида Имом Мотуридий халқаро илмий-тадқиқот маркази Замонавий ислом тадқиқотлари бўлими бош илмий ходими У.Жўраев Тошкент фармацевтика институти профессор-ўқитувчилари ва талабалари учун ташкил қилинган “Экстремизм ва терроризмга қарши кураш” мавзусидаги давра суҳбатида маруза билан иштирок этди. Мазкур тадбирда 100 дан ортиқ иштирокчи қатнашдилар.
 

Давра суҳбати давомида иштирокчиларга Ўзбекистонда диний соҳада амалга оширилаётган ислоҳотлар, диний бағрикенгилик, мўътадил таълимотни халқимизга етказишда Имом Мотуридий ва унинг издошлари меросини чуқур ўрганиш, миллий-диний қадриятларимизни асраб-авайлаш ва ривожлантириш, шу асосда ёш авлодни эзгу умуминсоний ғоялар руҳида тарбиялаш, уларда маънавий ва маърифий қарашларимизга ёт бўлган зарарли таъсирларга қарши мафкуравий иммунитетни кучайтиришдаги аҳамиятлари хусусида тўхталиб ўтилди.

Тадбир сўнггида мавзу юзасидан иштирокчиларни қизиқтирган саволларига жавоблар берилди.

Имом Мотуридий халқаро илмий-тадқиқот маркази 
Матбуот хизмати