“Зиё” медиа марказида “Имом Мотуридий” радиоинссенировкасини ёзиш жараёни бошланди

Ўзбекистон халқаро ислом академияси “Зиё” медиа марказида таниқли ёзувчи Луқмон Бўрихон асари асосида кўп қисмли “Имом Мотуридий” радиоинссенировкасини ёзиш жараёни бошланди. 

Ролларни халқимиз суйган кино ва театр актёрлари – Боир Холмирзаев, Тоҳир Саидов, Меҳриддин Раҳматов, Муқаддас Холиқова ва бошқа ёш истеъдодлар ижро этмоқда. Имом Мотуридий ролини эса Ўзбекистон халқ артисти, Ўзбек миллий академик драма театри актёри Теша Мўминов ижро этмоқда.

Радиопостановка режиссори сифатида Алишер Амиров меҳнат қилмоқда. 
Тез кунда маҳоратли ижодкорлардан янги радиосериални тинглашингиз мумкин.

Ўзбекистон халқаро ислом академияси 
Матбуот хизмати