Ўзбекистон халқаро ислом академияси доценти, атоқли исломшунос олим Саидмухтор Оқилов оғир хасталикдан вафот этди.
Саидмухтор Оқилов Ўзбекистон халқаро ислом академиясидаги самарали фаолияти давомида ўзининг юксак илмий салоҳияти ва касбий маҳоратини намоён қилиб, талабаларга таълим-тарбия беришдек масъулиятли ҳамда машаққатли вазифани рўёбга чиқаришдаги сабр-тоқати ва матонати билан барчанинг бирдек меҳрини қозонди.
Саидмухтор Оқилов ҳақида фақат илиқ фикрлар қолди. У қайси лавозимда ишламасин, оддий ва камтарин инсон бўлиб қолаверди.
Тиниб-тинчимас олим, юртнинг фидойи фарзанди Саидмухтор Оқиловнинг хотираси қалбларимизда мангу яшайди.
Аллоҳ таоло марҳум устозимизни Ўз раҳматига олиб, охиратини обод қилсин, маконини жаннатлардан айласин. Бу дунёда қилган барча хайрли ва эзгу ишларини бошига соябон, охиратига заҳира қилсин.
Имом Мотуридий халқаро илмий-тадқиқот
маркази жамоаси
Изоҳлар