Kun Hikmati

Ibn Mas’ud roziyallohu anhu dedilar: “Halokat ikki narsadadir: umidsizlik va ujbda”.

Ibn Qudoma rohimahulloh aytadilar: “Bilginki, ujb kibrga olib boradi. Chunki ujb kibrning sabablaridan biridir. Shunday qilib, ujbdan kibr tug‘iladi. Kibrdan esa barcha yomon ofatlar kelib chiqadi”.

Izoh: Ujb – o‘zi bilan, amallari bilan faxrlanish, amallarini ko‘p deb bilish, o‘sha amallariga suyanish, ularni minnat qilishdir. Amalni qilib, uni barcha ne’matlarni beruvchi Zot emas, o‘zim qildim deyishdir. Ujbning eng katta zarari shuki, u solih amallarni habata qilib yuboradi, yaxshiliklarni yo‘q qilib, mazammatni paydo qiladi.