Yangiliklar
"Jaholatga qarshi ma’rifat bilan kurash – davr talabi"
2025-yil 2-oktyabr kuni Botir Zokirov nomidagi Milliy estrada san’ati institutida "Jaholatga qarshi – ma’rifat bilan kurash" g‘oyasi ostida targ‘ibot tadbiri o‘tkazildi.
Tadbirda Imom Motirudiy xalqaro ilmiy-tadqiqot markazi katta ilmiy xodimi Ixtiyor Abduraxmonov ma’ruza qildi.
Ma’ruzada tinglovchilarga islom qadriyatlari, uning tinchlikparvarlik mohiyati, yoshlarni diniy bag‘rikenglik va umuminsoniy qadriyatlarga hurmat ruhida tarbiyalash, ularda islom diniga yot radikal qarashlar, ekstremizmga qarshi murosasizlik tuyg‘usini shakllantirish zarurati ta’kidlandi.
Tadbir yakunida talabalar o‘zlarini qiziqtirgan savollarga javob oldilar.
