Xalqaro konferensiya

✍️ 2025-yilning 4-iyul kuni Indoneziyaning Jakarta shahrida "Movarounnahrdan Janubi-Sharqiy Osiyoga: hadis ilmlari va intellektual aloqalar" mavzusida xalqaro ilmiy-amaliy konferensiya o‘z ishini davom ettirdi.

Unda Imom Moturidiy xalqaro ilmiy-tadqiqot markazi direktori o‘rinbosari Sh.Islomov "Imom Buxoriyning "Tarix-u-s-sag‘ir" asari hadis ilmlari oid muhim manba" mavzusida ma’ruza qildi. Ma’ruzada Yangi O‘zbekistonda Imom Buxoriy, Imom Moturidiy kabi buyuk alloma ajdodlarimiz ilmiy merosini o‘rganish va xalqimizga yetkazish bo‘yicha amalga oshirilayotgan keng ko‘lamli ishlar haqida batafsil ma’lumot berildi.

Indoneziya ilmiy jamoatchiligi O‘zbekistonda Prezident Sh.Mirziyoyev tashabbuslari bilan dunyo ilm-fani rivojiga bemisl hissa qo‘shgan allomalarimiz ilmiy merosini o‘rganishga qaratilayotgan e’tiborni yuksak baholadilar. Yangi ilmiy tadqiqot markazlarining bu boradagi faoliyati natijalarini e’tirof etdilar.