Кун Ҳадиси

Абу Ҳурайра розияллоҳу анҳудан ривоят қилинади: «Набий соллаллоҳу алайҳи васаллам: «Ҳикматли калима худди мўминнинг йўқотган нарсаси каби, мўмин уни қаерда топса ҳам ҳақлироқдир», деганлар».

Шарҳ: ушбу ҳадисдаги «ҳикматли калима»дан мурод, фойдали илмдир. Ҳикмат илм эканлиги ҳаммага маълум. Ҳикмат бир калима бўлса ҳам, мўмин киши уни олишга уриниши лозим.

Ушбу ҳадисда мўмин инсон илмга доимо талабгор бўлиши, қаердан топса ҳам, уни олишга ҳаракат қилиши лозимлиги баён қилинмоқда.