Набил Фулий

Набил Фулий Муҳаммад Мунжий 1969 йилда Мисрда туғилган.

2004 йилда Қоҳира университети Дорул улум факультетида Ислом фалсафаси бўйича докторлик ёқлаган.

2004-2018 йилларда Исломободдаги Халқаро ислом университетида Ақида ва фалсафа фанидан дарс берган.

2009-2013 йилларда мазкур университетнинг Усулиддин факуьтети Ақида ва фалсафа кафедраси мудири лавозимида ишлаган.

Ҳозирда Истанбулдаги Султон Муҳаммад Фотиҳ университетида мантиқ ва калом фанларидан дарс бериб келмоқда.

Олимнинг ҳозиргача олтита китоби нашр қилинган. Булардан охиргиси “Исломда ақида чизгилари” китоби эди. Бундан ташқари, олим 30 га яқин илмий мақолалар ёзган, кўплаб конференция ва симпозиумларда фаол қатнашиб келмоқда.

Набил Фулий 2007 йилда ўтказилган Халқаро сийрат мусобақасида фахрли учинчи ўринни эгаллаган.