Др. Файсал Ҳафаён

Доктор Файсал Ҳафаён матнларни амалий ва назарий жиҳатдан таҳқиқ қилиш, қўлёзмалар кодикологияси ва араб тили тадқиқотлари бўйича мутахассис олимлардан саналади.

Файсал Ҳафаён 1959 йилда Суриянинг Ҳимс шаҳрида дунёга келган. 1978 йилда ал-Азҳар университетининг Араб тили ва адабиёти факультетини тамомлаган. 1988 йилда “Етти қироатни асослаш далили” номли диссертацияси билан мазкур факультетда магистр даражасини олган. 1999 йилда айни факультетда Тиллар бўйича докторлик унвонини қўлга киритган.

Файсал Ҳафаён кўплаб конференция ва симпозиумларда фаол қатнашиб келмоқда. Олимнинг бир қатор китоб, мақола, феҳрист ва илмий ишлари нашр қилинган.

Файсал Ҳафаён Араб қўлёзмалари институти директори, Араб тадқиқотлари маркази директори лавозимларида ишлаб келмоқда. У Ливия пойтахти Триполидаги Араб тили жамияти, Дамашқдаги Араб тили жамияти, Искандариядаги Қўлёзмалар маркази бошқарув мажлиси, Ислом қўлёзмалари ҳайъати (TIMA) аъзоси саналади.