Аҳмад Шавқий Бенбин

Олим 1946 йилда Марокашда туғилган. 1967 йилда Марокаш университетида бакалавриатни тамомлаган. 1973 йилда Париждаги Кутубхона илмлари Миллий мактаби олий дипломини қўлга киритган.  1986 йилда Сорбонна университетида доктор илмий даражасини олган.

Аҳмад Шавқий Бенбин турли йилларда Работ университети Адабиёт факультетида ўқитувчи, Маданият вазирлигига қарашли Қўлёзмалар ва кутубхоналар ташкилоти мудири, Давлат васиқалари ташкилоти директор ўринбосари, Ҳасанийя кутубхонаси директори лавозимида ишлаб келган. Ҳозирда Работ университети Адабиёт факультетида дарс беради.

У “Мағрибдаги кутубхоналар тарихи”, “Араб тилидаги қўлёзма китоблар ҳақида”, “Қўлёзмалар илми бўйича изланишлар ва библиографик тадқиқот” китобларининг муаллифи ҳисобланади. Шунингдек, Ибн Анжаб Соъийнинг “ад-Дурр ас-самин фи асмоил мусаннафийн”, Ибн Анжаб Соъийнинг “Бағдод шаҳридаги қабрлар ва мозорлар”, Абдулҳай Каттонийнинг “Мусулмон кутубхоналари”, “Шоирул Ҳамро девони” асарларини таҳқиқ қилган.