Ташриф
Имом Мотуридий халқаро илмий-тадқиқот маркази Халқаро илмий ҳайъати аъзоси, туркиялик илоҳиётшунос олим Ҳуля Алпер 2022 йил 7 май куни юртимизга ташриф буюрди.
Бир ой давом этиши режалаштирилган ташриф мобайнида тадқиқотчи Хива, Бухоро ва Самарқанд каби тарихий шаҳарларимизга саёҳат қилиш билан бир қаторда, “Ўзбекистонда Имом Мотуридий ва мотуридийлик: тушунча ва тасаввур” мавзусидаги илмий изланиши доирасида дала тадқиқотларини ҳам олиб боради. Шунингдек, тадқиқотчи иштирокида соҳа мутахассислари, хусусан, Ўзбекистон халқаро ислом академияси талабалари ҳамда Имом Мотуридий халқаро илмий-тадқиқот маркази ходимлари учун давра суҳбатлари, семинар-тренинглар ташкил қилиниши ҳам кўзда тутилган.
Тадқиқотчининг Ўзбекистон Республикасига ташрифи юртимизда олиб борилаётган очиқлик сиёсати ҳамда барча соҳаларда амалга оширилаётган кенг кўламли ислоҳотларни халқаро миқёсда кенг тарғиб қилишга, мамлакатнинг ижобий имиджини шакллантиришга хизмат қилади.
Имом Мотуридий матбуот хизмати
Изоҳлар