Go‘zal xulq

     Senga yaxshilik qilgan odamga yaxshilik qilsang, demak sen vafodorsan.
     Senga yaxshilik qilmagan odamga yaxshilik qilsang, demak sen saxiysan.
     Senga yomonlik qilgan odamga yaxshilik qilsang, demak sen mo‘minsan.

In’om qilish va odamlarning hojatini chiqarishning lazzatini faqat fazilatli axloq sohiblarigina his qiladilar.

In’om qilish faqat biror narsani berish bilangina bo‘lmaydi. Gohida biror narsalardan tiyilish ham in’om hisoblanadi. Masalan, g‘azabni yutish, odamlarning sirlarini yashirish, odamlarning obro‘sini to‘kishdan tilni tiyish in’omning eng oliyjanob ko‘rinishlaridandir.