Rizq haqida

Solihlardan birlari: Allohim rizqimga baraka ber, deb duo qilar edi. Buni eshitgan boshqa bir kishi: nima uchun Allohim menga rizq ber, demayapsiz?- deb so‘radi.

Shunda Solih zot: Alloh taolo o‘zi yaratgan barcha maxluqotlarining rizqini kafolatlagan. Men faqatgina rizqimga baraka so‘rayapman. Chunki, baraka bu Allohning lashkaridir va uni xohlagan kishisiga nozil qiladi.

Agar baraka molga kelsa, u ko‘payadi. Farzandga kelsa, u Solih bo‘ladi. Agar badanga kelsa,  u quvvatli bo‘ladi. Agar qalbga kelsa, u saodatli bo‘ladi, dedi.