📚 ЯНГИ НАШР: КОСОНИЙ АҚИДАСИ
Ушбу рисолада фақиҳ ва мутакаллим Абу Бакр Аҳмад ибн Муҳаммад Косоний ҳаёти ва илмий мероси ёритилган.
Рисолани тайёрлашда юртимиздан етишиб чиққан калом илми аллома ва мутафаккирларининг ҳаёти ва илмий мероси ёритилган маҳаллий ҳамда хорижий китоб ва монографиялардан, Абу Бакр Косонийнинг ҳаёти ва илмий мероси бўйича тадқиқот олиб борган олимларнинг мақолаларидан кенг фойдаланилди. Асар 75 бетлик бўлиб, ҳажм жиҳатидан кичик бўлсада, мотуридийлик калом мактаби борасида қимматли маълумотлар беради. Соҳа ходимларига янада қулай бўлиши учун замонавий араб хатидаги ҳолати ва ўзбек тилига таржимаси келтирилган.
Рисола Имом Бухорий халқаро илмий-тадқиқот марказининг меҳнати маҳсули ҳисобланади. “Косоний ақидаси”нинг бошқа китоблардан фарқли жиҳати шундаки, унда аҳли сунна вал жамоанинг айнан Самарқанд ва Бухородаги улуғ устозларидан ишончли йўллар билан нақл қилинган ақидавий қарашлар жамланган. Рисола соҳа мутахассислари ва кенг китобхонлар оммасига мўлжалланган бўлиб, ёдлаш осон бўлиши учун матни алоҳида қилиб, ҳаракат белгиларини қўйган ҳолда берилган.
Имом Мотуридий халқаро илмий-тадқиқот маркази
Матбуот хизмати
Изоҳлар