Ал-Азҳар ҳузуридаги Халқаро электрон фатво марказига ташриф
Ўзбекистон халқаро ислом академияси, Имом Мотуридий ва Имом Бухорий халқаро илмий-тадқиқот марказлари ходимлари 2023 йил 14 март куни ал-Азҳар ҳузуридаги Халқаро электрон фатво марказига ташриф буюрдилар.
Ўз олдига замонавий технологиялар воситасида электрон фатволар беришни мақсад қилган ушбу марказ фатво институтини тартибга солиш, мўътадилликни тарғиб қилиш, нотўғри ғояларга раддиялар бериш каби вазифаларни бажариб келмоқда.
Меҳмонларни Халқаро электрон фатво маркази директори доктор Усома Ҳошим Ҳадидий кутиб олиб, Марказ иш фаолияти, хусусан, бугунги кунда долзарб ҳисобланган фатволарни тизимлаштириш, уларни медиа воситалари орқали жамоатчиликка етказиш орқали жамиятда мўътадилликни таъминлаш юзасидан олиб борилаётган ишлар билан яқиндан таништирди.
Ташриф давомида илмий-маърифий соҳадаги ҳамкорлик истиқболлари, жумладан, ўзаро тажриба ва ходимлар алмашинувини йўлга қўйиш, радикализм ва терроризм қоралаб чиқарилган замонавий фатволарнинг электрон базасини яратишга келишиб олинди.
Имом Мотуридий халқаро илмий-тадқиқот маркази
Матбуот хизмати
Изоҳлар