Kun Hadisi

Abu Hurayra roziyallohu anhudan rivoyat qilinadi: «Nabiy sollallohu alayhi vasallam: «Hikmatli kalima xuddi mo‘minning yo‘qotgan narsasi kabi, mo‘min uni qayerda topsa ham haqliroqdir», deganlar».

Sharh: ushbu hadisdagi «hikmatli kalima»dan murod, foydali ilmdir. Hikmat ilm ekanligi hammaga ma’lum. Hikmat bir kalima bo‘lsa ham, mo‘min kishi uni olishga urinishi lozim.

Ushbu hadisda mo‘min inson ilmga doimo talabgor bo‘lishi, qayerdan topsa ham, uni olishga harakat qilishi lozimligi bayon qilinmoqda.