06.08.2022
254

“Markaziy Osiyo davlatlarida millatlararo totuvlikni ta’minlash” mavzusida xalqaro konferensiya o‘tkazildi

Poytaxtimizdagi “International hotel of Tashkent” mehmonxonasida “Markaziy Osiyo davlatlarida millatlararo totuvlikni ta’minlash” mavzusida xalqaro konferensiya tashkil qilindi.

Ma’lumki, 2021-yildan boshlab, yurtimizda 30-iyul sanasi Xalqlar do‘stligi kuni sifatida keng nishonlanmoqda. Bu bo‘yicha hukumatning tegishli qonuni qabul qilingan. Ushbu bayram ko‘p millatli O‘zbekiston xalqi tomonidan ko‘tarinki ruhda kutib olindi.

Mazkur sanani munosib nishonlash maqsadida Millatlararo munosabatlar va xorijiy mamlakatlar bilan do‘stlik aloqalari qo‘mitasi tomonidan qator hamkor tashkilotlar bilan birga yurtimizda 30-iyul – 7-avgust kunlari Do‘stlik festivali o‘tkazilmoqda.

Festival doirasida joriy yilning 5-avgust kuni “Markaziy Osiyo davlatlarida millatlararo totuvlikni ta’minlash” mavzusidagi xalqaro konferensiya bo‘lib o‘tdi.

Tadbirda O‘zbekiston Respublikasi Prezidenti Administratsiyasi, Vazirlar Mahkamasi, Vazirliklar, idoralar va tashkilotlar vakillari, Xorijdagi vatandoshlar, mamlakatimizda akkreditatsiyadan o‘tgan xalqaro tashkilotlar va diplomatik korpus vakillari, Jamoat birlashmalari, Do‘stlik jamiyatlari, Milliy madaniy markazlar, O‘zbekistondagi diniy konfessiyalar, millatlararo munosabatlar masalalari bo‘yicha olimlar va ekspertlar, Qoraqalpog‘iston Respublikasi Vazirlar Kengashi, viloyatlar va Toshkent shahar hokimlik mutasaddilari, OAV vakillari hamda blogerlar ishtirok etishdi.

Shuningdek, xalqaro anjumanda O‘zbekiston Respublikasi Prezidentining jamoat va diniy tashkilotlar bilan hamkorlik masalalari bo‘yicha maslahatchisi, O‘zbekiston xalqaro islom akademiyasi rektori Muzaffar Komilov qatnashib, nutq so‘zladi.

Markaziy Osiyo mamlakatlarining millatlararo totuvlikni ta’minlash borasidagi axborot va ilmiy salohiyatini birlashtirish, madaniyatlarini namoyish etish va yaqinlashtirish, shuningdek kelgusida Markaziy Osiyo mamlakatlari o‘rtasida o‘zaro faol va mustahkam yaxshi qo‘shnichilik, do‘stlik, ishonch muhitini saqlashga hamda O‘zbekistonda xalq diplomatiyasi asosida chet eldagi vatandoshlarimiz bilan muntazam munosabatlarni yo‘lga qo‘yish, xorijiy mamlakatlar bilan do‘stona munosabatlar va madaniy-ma’rifiy aloqalarni mustahkamlash orqali O‘zbekistonda yashab kelayotgan barcha millat va elat vakillarining tarixi, madaniyati, ma’naviy qadriyatlari, milliy an’analari va urf-odatlarini saqlash, har tomonlama rivojlantirish ushbu nufuzli xalqaro konferensiyaning asosiy maqsadi hisoblanadi.

 

Qo‘shimcha malumot

O’zbekistondagi diniy ma’rifiy ilmiy-tadqiqot markazlari hamda Al-Azhar Islom tadqiqotlari akademiyasi o‘rtasida aloqalar yanada rivojlantiriladi
Xabar berganimizdek, O’zbekiston Respublikasi Prezidenti Administratsiyasi, O’zbekiston xalqaro islom akademiyasi, Imom Moturidiy va Imom Buxoriy xalqaro ilmiy-tadqiqot markazlari vakillaridan iborat...
Al-Azharda Imom Moturidiy merosi bo‘yicha o‘tkazilgan xalqaro tanlov g‘oliblari taqdirlandi
2023 yil 12 mart kuni Misr Arab Respublikasining al-Azhar anjumanlar saroyida Imom Moturidiy xalqaro ilmiy-tadqiqot markazi tomonidan Imom Moturidiy merosi...
Shayx Muhammad ad-Duvayniy: “Soʻnggi yillarda Misr va Oʻzbekiston aloqalari tobora rivojlanib bormoqda”
Misr Arab Respublikasida yurtimiz delegatsiyasi vakillari “Al-Azhar” majmuasi rahbarining oʻrinbosari, shayx Muhammad ad-Duvayniy bilan uchrashishdi.Mazkur muloqotda Oʻzbekiston Respublikasi Prezidentining maslahatchisi,...

Izoh qoldirish

Izohlar

Мы в соц сетях

Aloqa

Telefon:
E-mail:
Manzil:
©2024 All Rights Reserved. This template is made with by Cherry