Bilganmidingiz

Movarounnahrga qadam qo‘ygan ilk sahobiy

Mashhur musulmon tarixchisi Imom Tabariyning yozishicha, Movarounnahrga ilk qadam qo‘ygan sahobiy arab sarkardasi Hakam ibn Amr G‘iforiy roziyallohu anhu (vaf. 670 y.) hisoblanadi. U Rasululloh alayhissalomning yaqin sahobiylaridan biri bo‘lib, u zotdan ko‘plab hadislarni rivoyat qilgan. U dastlab Madinada yashagan, so‘ngra Muoviya ibn Abi Sufyon davrida Basraga ko‘chib o‘tgan, 666-yil Xuroson o‘lkasiga voliy etib tayinlangan. Uning qabri Marv shahridagi Tannurgaron qabristonida joylashgan.