E'tirof

Toledo shahri 1085 yil musulmonlardan ispanlar qo‘liga o‘tgach, u yerda arab tilidagi kitoblarni tarjima qilishga ixtisoslashgan maktab yaratilgan. O.Mahmudovning “Toledo tarjima maktabi”ga oid tadqiqotida yozilishicha, ushbu maktabda 120 dan ziyod kitob arab tilidan lotin tiliga tarjima qilingan. Ushbu kitoblar orasidan 25 tasi o‘rta osiyolik allomalar, shu jumladan, 3 tasi Muhammad ibn Muso Xorazmiy, 2 tasi Abu Ma’shar Balxiy, 1 tasi Ahmad Farg‘oniy, 10 tasi Abu Nasr Forobiy, 9 tasi Abu Ali ibn Sino qalamiga mansub edi. Bu esa Yevropada renessansning vujudga kelishida O‘rta Osiyo olimlarining hissasi ulkan bo‘lganini ko‘rsatadi.